quinta-feira, 7 de fevereiro de 2008

Las mies purmeiras palabras an mirandés


Las mies purmeiras palabras an mirandés ye l título d'un librico, an forma de Bocabulairo Eilustrado, que será apresentado no próssimo die 21 de Febreiro (Die Anternacional de la Lhéngua Materna). La obra ten cerca de sietecientas palabras, arrimadas por temas cumo la Família, l Cuorpo, la casa, la Tierra, la Scola, la Mitologie i alguas más. L'eidiçon ye de l Centro de Studos António Maria Mourinho, sendo la parte de la lhéngua de la mie respunsabilidade i de Duarte Martins.

Eiqui queda para yá este pequeinho anúncio, sperando nós que la obra benga a serbir nó solo para quien ampeça cun las purmeiras palabras mas tamien a todos ls que, sabendo muitas outras, quieren daprender cumo se scríben las purmeiras, çcubrindo tamien un cachico mais de l mundo que se sconde detrás de cada ua deilhas.

2 comentários:

Reis Quarteu disse...

Baliente Antonho i Baliente Eiduarte!
Mais ua beç, Parabienes pul buosso baliente trabalho pul Mirandés!
Adonde ye que se bai a poder mercar este librico (por quei nó "lhibro"? Podeis dezir-me-lo?)? Tengo you que tornar a daprender essas purmeiras palabras, i tamien quiero que ls mius garotos las dapréndan!
Un gran abraço, Salude i Lhéngua!
Reis.

Ricardo Chao Prieto disse...

Mi más sincera enhorabuena desde León (España). Qué envidia nos dais.